BUFO BUFO, LINNEAUS
(1758)
GAZTELERAZ: SAPO COMUN
ORDENA: ANURA (SALIENTIA)
FAMILIA: BUFONIDAE
Europa osoan aurkitzen den anfibioa dugu Apo Arrunta. Euskal Herrian ere edonon aurki dezakegu. Mendi zein itsas mailan, klima lehor eta hezeetan.
Tamaina handiko apoa da, Euskal Herrian aurki daitekeen anfibiorik handienetakoa (handiena agian) 15 zm-ko luzera izatera heldu daitekeelarik (arrak gutxiago). Gauean ateratzen da bere izkutalekutik intsektuetaz elikatzeko.
Apo gehienak bezala jauzi egiteko unean ez da oso iaioa (atzeko hankak igelekin konparatuta motzagoak dira), horregatik oso errez harrapa daiteke. Hori dela eta badu bere defentsa sistema, garun parotoideo-en bidez pozoia isurtzen du .
Pozoi honek (bufotoxina) ez digu gizakiei minik ematen eta beste animalie ere irritazioa sortzen die gehienez aho, mutur edo begietan. Erabiltzen duen beste “arma defentsibo” bat bere larruaren kolorea da, mimetismoa alegia, mugitzen ez bada zail izango zaigu eta ikustea. Azkenik, eta defentsa moduan baita ere, bere gorputza puzteko ahalmena du postura oso berezi bat hartuz.
Udaberrian apoak uretara hurbiltzen dira (bai putzu, erreka edo iturrietara); hemen arra eme baten gainean jartzen da eta azken honek arraultzak jarri ondoren arrak ernalduko ditu. Eme bakoitzak 1000-5000 arraultza jarri ditzake.
Bi aste uretan pasa ondoren apaburu ilun eta txikiak aterako dira arraultzetatik. Hilabete emango dute uretan metamorfosia burutu arte.
Argazkiak Astigarragan eta Susperregin atereak (L.Danborenea)
(Baztanen hartutako irudia. L.Danborenea)
22 may 2007 | 06:24 PM
asko gustatu zait blog hau. argazkiak aluzinanteak dira, informazioa argia eta zehatza, eta gainera diseinua erakargarria da. mesedez, jarraitu zure orria handitzen, ni behintzat oso interesaturik nago eta. a! eta mila esker euskaraz egiteagatik.
nere.
30 may 2007 | 05:48 PM
aupa hi! hori dek zientzia! argazki mundialak! Erregistratuak izango dituk ala? Apo eder hori eusten ari den neskaren aurpegia ez da ondo ikusten.. ala ta apoa da interesatzen zaiguna. Beno, eutsi horri ta jarraitu berriak ematen, hire argazki politen bitartez animalia liluragarri diren anfibioak ikus ahal izango ditugu goxo-goxo ordenagailu aurrean. Horrela ez bada, gau hezeak aukeratuko ditugu (garai hontan adibidez) horrelako bitxoak ikusteko LINTERNA batekin ahal bada.Aio!!!!
21 mar 2008 | 03:59 AM
This is website.a lot of guys can service for you , most skilled levelers and The price of power leveling. Give all customers the best and cheap price. The best and securest way to power level your character to your desired high level fast. the website already have done near a number of orders for wow power leveling and offers professional powerleveling service on most popular MMOGs.